«Ерекше ойыншы»: Алонсо Дастан Сатпаевтың «Челсидегі» дебюттік голы туралы

Лондондық «Челсидің» бас бапкері Хаби Алонсо австралиялық «Вестерн Сидней Уондерерске» қарсы бақылау матчынан (6:4) кейін 17 жастағы қазақстандық шабуылшы Дастан Сатпаевтың ойынына баға берді.

«Қайрат» түлегі бастапқы құрамда алаңға шығып, кездесудің 6-шы минутында-ақ есеп ашты және «көктер» сапындағы өзінің алғашқы голын соқты.

Сатпаевтың ойын сапасы туралы:

«Мен Дастанды өткен жылдан бері, Алматыдан танимын. Ерекше ойыншы екені көрініп тұр. Ол қарсыластың қақпасына қауіп төндіре алады, қапталдан жылжи отырып, орталық шабуылшының жанындағы бос кеңістіктен өте жақсы шабуыл жасайды. Бұл оның осы клубтағы алғашқы тәжірибесі, бірақ соған қарамастан өзін жақсы жағынан көрсетті».

Премьер-лигаға дайындығы туралы:

«Ол өте өжет, мықты әрі өте жылдам. Ол сіздерді шынымен таңғалдыратын болады».

Қазақстандық футболшының маусымдағы мүмкіндіктері туралы:

«Осы маусымалды дайындық барысында көптеген шешім қабылдауымыз керек. Былтыр мұнда болмаған көптеген ойыншыларды көруге мүмкіндігіміздің бар болғаны жақсы... Кейін шешім қабылдаймыз, сондықтан маусымның алғашқы матчына құрамның қандай болатынын айту әлі ерте».

Матч туралы:

Сиднейдегі жолдастық кездесу аса нәтижелі болып, лондондықтар 6:4 есебімен жеңіске жетті. Сатпаевтан бөлек «Челси» сапында Дариу Эссугу, Джейми Гиттенс және хет-трик авторы атанған Жоао Педро көзге түсті.

Дастан Сәтпаев: өмірбаяны, толық ақпарат, жалақысы, жеке өмірі. «Челси» сапындағы алғашқы голы