«Челси» Дастан Сәтпаевтың бәсекелесін «Астон Виллаға» жіберді

Лондондық «Челси» шабуыл шебін босатуды жалғастыруда. Вингер Алехандро Гарначо 2026/27 маусымының соңына дейін «Астон Виллаға» жалға берілді. Клубтар арасындағы келісімге белгілі бір шарттар орындалған жағдайда келесі жазда ойыншыны міндетті түрде сатып алу құқығы кіреді.

Аргентина құрамасының ойыншысы өткен жазда «Манчестер Юнайтедтен» ауысып, «көктердің» қатарын толықтырған еді. Өткен маусымда Гарначо лондондықтар сапында барлық турнирде 43 матч өткізіп, сегіз гол соқты.

«Алехандроға «Астон Вилладағы» мансабын жалғастыруда тек сәттілік тілейміз», – делінген «Челсидің» ресми мәлімдемесінде.

Еске сала кетейік, дәл қазіргі күндері Дастан Сәтпаев Лондонда болып, Хаби Алонсоның басшылығымен «көктердің» негізгі командасымен бірге толыққанды оқу-жаттығу жиындарын өткізіп жатыр.

Лондондық жиындардың қорытындысы бойынша қазақстандық шабуылшы «Челсидің» соңғы өтініміне ілініп, клубпен бірге Австралия мен Оңтүстік-Шығыс Азияға өтетін маусымашар турнеге аттануы күтілуде.

«Челси» Дастан Сәтпаевтың бәсекелесін «Астон Виллаға» жіберді