Қазақстандық жартылай қорғаушы Португалияда клубын ауыстырмақ: толық мәлімет

«Атлантиконың» 14 жастағы жартылай қорғаушысы Шәкәрім Сағатбек мансабын португалиялық «Кова-да-Пьедаде» клубында жалғастыруы мүмкін, деп хабарлайды ASnews.kz.

«Астананың» түлегі «Кова-да-Пьедаде» клубымен бір жылдық келісімшарт шарттарын мақұлдады. Орталық жартылай қорғаушы Насьоналға (жоғарғы жасөспірімдер дивизионы – ескерт.) шығуды мақсат еткен лиссабондық клубты жаңарту жоспарының бір бөлігіне айналмақ. Жалпы алғанда команда құрамын 10 футболшы толықтырады деп күтілуде.

Осылайша Шәкәрім Сағатбек U17 командасында өнер көрсетуге мүмкіндік алады. Алайда трансфердің жүзеге асуына «Атлантиконың» ойыншымен қоштасқысы келмейтіндігі кедергі болуы мүмкін. Екінші тарап қазақстандықты тіркеуге әлі де рұқсат алған жоқ.

Еске сала кетейік, өткен маусымда жас хавбек 11 матч өткізіп, екі голмен көзге түскен болатын.