Қазақстан құрамасы Ұлттар лигасының матчына қатысу үшін Фарер аралдарына келді

Футболдан Қазақстан құрамасы Вагар әуежайына (Фарер аралдары) сәтті қонды, деп хабарлайды ASnews.kz.

Ұлттық құраманың футболшылары мен бапкерлер штабы Астанадан бүгін, 25 қыркүйек күні таңертең ұшып шықты. Команда Фарер аралдарына SCAT әуекомпаниясының чартерлік рейсімен келді. Тікелей ұшу жеті сағаттан сәл астам уақытты алды.

Бүгін кешке Джон ван’т Схиптің шәкірттері ойын алдындағы жаттығуын өткізеді. Ертең, 26 қыркүйекте ұлттық команда Ұлттар лигасының С дивизионында Торсхавнда Фарер аралдары құрамасына қарсы матчпен жарысты бастайды.

Еске сала кетейік, бастапқыда құраманың ұшуы 24 қыркүйекке жоспарланған болатын, алайда аралдардағы қатты дауылға байланысты сол күні Вагарға және кері бағытта ұшатын барлық рейстер тоқтатылды.