ФИФА ҚФФ-ға балалар мен жасөспірімдер футболын дамытуға $250 мың бөлді

ФИФА 2026 жылға арналған FIFA Talent Development Scheme бағдарламасы аясында Қазақстан футбол федерациясының жобалық өтінімін ресми түрде бекітті.

Балалар мен жасөспірімдер футболын дамытуға және мамандарды даярлауға 250 000 АҚШ доллары көлемінде қаржы бөлінді.

$250 000 гранты қалай бөлінеді:

• $125 000 – «Болашақ чемпиондар» дарынды жас ойыншыларды іздеу және іріктеу жобасына;

• $50 000 – бапкерлер мен скауттарға арналған оқыту семинарларын ұйымдастыруға;

• $50 000 – бағдарламаны басқару бойынша операциялық шығындарды жабуға (FIFA Operations Project);

• $25 000 – балаларды қорғау стандарттарын және психологиялық қолдау бағдарламаларын енгізуге.

Қазақстандық жобалардың жоғары деңгейде дайындалғанын аңызға айналған Арсен Венгердің басшылығындағы ФИФА-ның футболды жаһандық дамыту тобы арнайы атап өтті.

FIFA Talent Development Scheme бүкіл әлем бойынша жас футбол дарындарын іздеуде, өсіруде және сүйемелдеуде ұлттық ассоциацияларға жан-жақты қолдау көрсетуге бағытталған.

Ван Дейк: Қазақстан Ұлттар лигасында жеңіске жетеді деп үміттенемін, Оразов командаға көмектесе алады