Астанада «Батыр жолы» ұлттық футбол конференциясы өтті

Қазақстан елордасында Қазақстан футбол федерациясы (ҚФФ) ұйымдастырған «Батыр жолы» ауқымды ұлттық конференциясы өтті.

Бұл шара елдегі футболды дамытудың бірыңғай ұлттық стратегиясын, ойын моделін және әдістемелік стандарттарын құру үшін отандық футболдың 200-ден астам басты өкілдері мен халықаралық сарапшылардың басын қосты, деп хабарлайды ASnews.kz.

Реформалар, жүйе және халықаралық тәжірибе

Конференцияның ресми бөлігін жүйелі реформалардың басты басымдықтарын және бүкіл футбол қауымдастығын біріктіру қажеттілігін атап өткен ҚФФ президенті Марат Омаров ашты. Федерацияның Бас хатшысы Скотт Манн тиімді басқару процестерін құруға басымдық берсе, техникалық директор Геннадий Скуртул қазақстандық футболдың болашақ моделін, резервті дайындау әдістемесін және бапкерлік кадрлардың біліктілігін арттыру жүйесін таныстырды.

Особым событием стало участие зарубежных экспертов ФИФА и УЕФА, поделившихся опытом внедрения футбольной идентичности:

«Бұл өте маңызды үндеу, және ҚФФ-мен байланысы бар әрбір адам – қандай рөлде болмасын – бүгін осы жерде естігенін түсінгені өте маңызды. Барлығы бір бағытта қозғалып, ортақ мақсат үшін жұмыс істеуі керек», – деп атап өтті скаутинг саласындағы халықаралық маман әрі лондондық «Арсеналдың» бұрынғы ойыншысы Стив Морроу.

«Мені қазақ халқының қасиеттері – бірлік пен презентациялар кезінде үнемі айтылған жауынгерлік рух тәнті етті. Бұндай ауызбіршілік Қазақстан ұлттық құрамасында ойнау үшін не талап етілетінін әркім анық түсінуі үшін өте маңызды», – деді «Манчестер Сити», «Ливерпуль», «Монако» және «Вольфсбург» клубтарында жұмыс тәжірибесі бар УЕФА мен ФИФА сарапшысы Аарон Бриггс.

Ұлттық контекст пен ойыншылардың мінез-құлқын дамыту мәселелері қазақстандық футбол аңыздарының қатысуымен өткен пікірталас блогында талқыланды. Ұрпақтар сабақтастығы, сондай-ақ ерлер мен әйелдер футболын дамыту туралы өз ойларымен Руслан Балтиев, Самат Смаков, Вахид Масудов, Нұрбол Жұмасқалиев және Бегайым Қырғызбаева бөлісті.

Сессиялар қорытындысы бойынша қатысушылар елдің барлық өңірлерінде «Батыр жолы» бірыңғай стандарттарын енгізу механизмдерін пысықтауға көшті.

• Қатысушылар: 200-ден астам делегат, оның ішінде ҚФФ Атқарушы комитетінің мүшелері, кәсіпқой клубтардың басшылары мен бапкерлері, балалар мен жасөспірімдер академияларының, өңірлік ассоциациялардың өкілдері және спорт ардагерлері.

• Құрылымы: Бағдарлама үш кезеңде өтті – стратегиялық пайым, ұлттық бірегейлікті талдау және жобалық шешімдерді практикалық жүзеге асыру.

• Маңызы: ҚФФ үшін конференция әлемдік стандарттарды енгізу мен елде бірыңғай футбол философиясын қалыптастыру жолындағы шешуші қадам болды.