МЮ аңызы – Чесноков жайлы: «Хартсқа» дәл уақытында ауысқан екен

«Манчестер Юнайтедтің» аты аңызға айналған футболшысы Денис Ирвин шотландиялық «Хартсқа» ауысқан Ислам Чесноков жайлы пікір білдірді, деп хабарлайды ASnews.kz.

Ол қазір 26 жаста екен. Бұл футболшы үшін өте керемет кезең. Бұл уақытта футболшы барлық нәрсені үйреніп, белгілі бір деңгейге жетеді. Ол барған «Хартс» клубы биыл жақсы ойнап жатыр. Өйткені Шотландияда «Селтик» пен «Рейнджерс» деген үлкен клубтар бар. Ал «Хартс» қазір олардың алдында тұр. Демек ол дәл уақытында өте керемет клубқа барды. Міндетті түрде гол соғады деп ойлаймын.

Ол солақай және оң қапталда ойнайды екен. Бірақ бұл қазіргі футболдағы қалыпты нәрсе. Жаттықтырушылар өз командасының осылай ойнағанын қалайды. Бұрын да сондай ойыншылар болған. Сондықтан Чесноков маған гол соға алатын футболшы ретінде көрінеді. Оған тек сәттілік тілеймін.

Қазір қазақстандық футболшылардың Еуропада көбірек ойнай бастағаны өте жақсы. Англия, Шотландияға барып жатыр. Шотландия лигасы оңай емес. Ол жақтағы ойындар өте қиын, күрес көп болады. Мен енді Исламның ойындарын міндетті түрде бақылап жүремін», – деді Ирвин Alim Live арнасына берген сұхбатында.

Чесноков «Хартсқа» ауысқалы бері 6 матч өткізіп, 1 гол соқты. Оның командасы қазір турнирлік кестеде көш бастап келеді.