Olimpbet маркетинг-директоры – БК-дағы ақшалардың бұғатталуы жайлы: бізге алдын-ала ескерткен жоқ

Olimpbet компаниясының маркетинг-директоры Геннадий Шемраев Қазақстандағы заңды букмекерлік кеңселер клиенттерінің шоттарына ақша салу және шешіп алу операцияларының жаппай бұғатталуына қатысты пікір білдірді, деп хабарлайды ASnews.kz.

Компания өкілінің айтуынша, 4 наурыз күні Қазақстан банктері алдын-ала ескертусіз клиенттердің жеке есептік жазбаларына ақша енгізу және шығару операцияларын тоқтатқан. Бұл жағдай букмекерлік компаниялардың ойын бизнесіндегі Бірыңғай есепке алу жүйесіне (ЕСУ) «Nomapay» ЖШС операторы арқылы қосылу үдерісімен қатар орын алған.

Осыған байланысты компания саланы реттейтін орган – Қазақстан Республикасы Туризм және спорт министрлігіне ресми түрде жүгініп, интеграция толық аяқталғанға дейін банктермен жұмысты қалпына келтіруге көмектесуді сұраған.

«Бізге алдын-ала ескерту жасалмады. Соның салдарынан клиенттерді дер кезінде хабардар ету мүмкін болмады. Бұл тек заңды букмекерлік брендтерге ғана емес, жалпы қаржы жүйесіне деген сенімге де нұқсан келтірді. Ал ЕСУ жүйесіне қосылуға берілген уақыт пайдаланушылар үшін жеткіліксіз», – деді Шемраев.

Olimpbet компаниясы қазіргі шектеулер ел экономикасы мен отандық спортты қолдау ісіне де кері әсер етуі мүмкін екенін атап өтті.

Компания аймақтағы ірі салық төлеушілердің бірі саналады. 2025 жылдың қорытындысы бойынша бюджетке шамамен 40 млрд теңге аударылған. Ал 2020–2025 жылдар аралығында мемлекет қазынасына 230 млрд теңгеден астам қаражат түскен.

Заңды беттинг индустриясының тұрақты жұмысы спортты қаржыландыруға мүмкіндік береді. Olimpbet Қазақстан футбол федерациясының титулдық серіктесі болып саналады (соның ішінде VAR жүйесін енгізуге демеушілік жасаған). Сондай-ақ ұлттық құрамаларды, Alash Pride, NAIZA, RD Boxing сияқты жекпе-жек лигаларын және ірі киберспорт турнирлерін қолдап келеді.