Қазақстандық футболшы Испания Кубогында гол соғып, нәтижелі пас берді: матч ірі есеппен аяқталды

«Левантенің» 17 жастағы қазақстандық шабуылшысы Алдияр Нұрғали Испания Кубогында каталониялық «Дамм» клубын жеңуге өз үлесін қосты, деп хабарлайды ASnews.kz.

Бұған дейін «Астана» мен «Қайраттың» жасөспірімдер командасында өнер көрсеткен футболшы «Левантеге» «Даммды» 5:2 есебімен жеңуге көмектесті. Алдымен шабуылшының өзі гол соғып, кейін командаласына нәтижелі пас берген.

Осылайша, Нұрғали өнер көрсететін команда 1/16 финалға жолдама алды. Келесі кезеңжердің бірінде олар тағы бір каталониялық клуб – «Барселонамен» кездесуі мүмкін.

2026/27 жылғы маусымда қазақстандық ойыншы «Левантенің» қосалқы командасына қосылады. Сондай-ақ оған негізгі құраммен бірге жаттығу жасау мүмкіндігі де беріледі.