Кака – Италиядан жеңілгені туралы: біз қолдан келгеннің бәрін жасадық

Футзалдан Қазақстан құрамасының бас бапкері Рикардо Кака ASnews.kz тілшісіне берген сұхбатында Еуро-2026 плей-офф раундында Италиядан жеңілгеннен кейінгіэмоцияларымен бөлісті.

«Плей-офф кезеңіндегі екі үздік команда кездесті. Біз бүгін жаман көрінген жоқпыз, жақсы ойнадық. Басты қателік сырт алаңда болды. Өткен жолы біз Португалияға қарсы пенальти сериясында жеңілген едік, бүгін тағы да жолымыз болмады. Қолымыздан келгеннің бәрін жасадық. Ешбір ойыншыға шағым жоқ. Бұл трагедия, бірақ осы уақытқа дейін жігіттермен жасаған тарих бар. Қызметтен босату туралы шешімді басшылық қабылдауы керек», – деді Кака.

Италиядағы алғашқы ойын 2:1 есебімен аяқталды. Астанада өткен қарымта ойында алаң иелері 3:2 есебімен жеңіске жетті. Экстра-таймда гол соғылмай, жалпы есеп тең болып, матч тағдыры пенальти сериясында шешілді.

Жаттықтырушы ұлттық құрама сапында өзгерістер күтіп тұрғанын атап өтті:

«Енді буын алмасады. Менің міндетім – ұлттық құрамаға серпін бере алатын қазақтың жас футболшыларын дамыту. Шынымды айтсам, мен натурализацияға қарсы емеспін. Бірақ бұл федерацияның емес, клубтардың мәселесі. Кез-келген клуб ойыншыны натурализациялай алады. Менің міндетім – жергілікті ойыншыларды дамыту».

Қазақстандық ойыншылар пенальти сериясында бірде-бір гол соға алмады: Ақбалықов, Кнауб, Дуглас және Эдсон мүмкіндігін мүлт жіберді. Италиялықтар екі гол соғып, Еуропа чемпионатына жолдама алды.

Еуро-2026 21 қаңтар мен 7 ақпан аралығында үш елде өтеді: Латвия, Литва және Словения. Қазірдің өзінде он үш қатысушы белгілі болып қойды: Латвия, Литва, Словения, Армения, Беларусь, Италия, Испания, Польша, Португалия, Украина, Франция, Хорватия және Чехия.

Қазақстан құрамасы осыған дейін үш рет Еуропа біріншілігіне қатысқан: 2016 жылы қола медальмен дебют жасады, 2018 жылы жартылай финалға шықты, ал 2022 жылы ширек финалда сүрінді.