Бельгиялық эксперт – «Генктегі» қазақстандық футболшы туралы: нағыз бриллиант

Бельгиялық агент Мохамед Ашахбар BorodAbata.kz (AS News) тілшісіне берген сұхбатында «Генктің» 16 жастағы вингері Шахмұрат Дәулетовтың болашағына қатысты пікір білдірді. Тамыз айында ол «Аякс» жастар командасына қарсы ойында ассист жасап, ПСВ қақпасына гол соқты.

«Жақында ғана «Йонг Генкте» дебют жасаған Шахмұрат U-19 деңгейінде де ойнауға дайын. Оның тамаша техникасы, жылдамдығы бар және жақсы мүмкіндіктер туындата алады. Екі аяғымен де жақсы тебеді. Дәулетовтың биылғы маусымды жақсы бастағанына қуаныштымын. Нағыз бриллиант және қарапайым отбасынан шыққан тамаша жігіт», – деді Ашахбар.

Қазақстандық футболшы «Генк» сапындағы дебютінде ПСВ U-19 қақпасына екі гол соққан болатын (2:2). Ол бұған дейін «Қайрат», «Антальяспор» және «Беерсхот» командаларында ойнаған.