Бельгиялық футболшы – Қазақстанның жеңілісі жайлы: бар мәселе физикалық дайындықта

«Қызылжардың» бұрынғы қорғаушысы Брайан Ван Ден Богарт BorodAbata.kz (AS News) тілшісіне берген сұхбатында Бельгия құрамасының Қазақстанды еш қиындықсыз жеңетініне (6:0) сенімді болғанын айтты.

«Мен жеңіліс туралы ойлаған жоқпын, Бельгияда еш қиындық болмайтынын түсіндім, себебі бұл өз алаңында жанкүйерлердің көзінше өтетін матч. Сонымен қатар, біздің команданың негізгі ойыншылары тамаша формада: Доку, Де Брюйне...

Қазақстандықтардың ойынға деген көзқарасы дұрыс болмады дегенмен келіспеймін, олардың физикалық дайындығы нашар болды. Премьер-лиганың маусымы аяқталып келе жатқанын ұмытпайық, ал Еуропаның үздік чемпионаттары енді ғана басталуда. Сондықтан жігіттер шаршаған шығар», – деді бельгиялық футболшы.

«Лотто Парктегі» нәтиже Қазақстан құрамасының тарихындағы ең ауыр жеңілістердің бірі болды. Әли Әлиевтің шәкірттері «қызыл сойқандардың» қақпасын тек екі рет көздей алды.