«Блэкберннің» экс-ойыншысы: британдық клубтардың неліктен Астанада ойнай алмайтынын түсінбеймін

Уэльс құрамасының бұрынғы шабуылшысы Натан Блэйк BorodAbata.kz (AS News) тілшісі Әлім Динасыловқа берген сұхбатында британдық командалардың Астанада неге жиі жеңілетіні туралы сұраққа жауап берді.

«Алаңның сапасы жақсы. Оның табиғи төсеніштен ерекшеленетіні анық, бірақ бұл проблема емес. Бұл менің Қазақстанға бірінші рет келуім, шынымды айтсам, британдық командалардың мұнда неліктен қиналып жатқанын түсінбеймін. Мүмкін бұл арақашықтыққа байланысты шығар: әдетте Ұлыбританиядан келген клубтар Еуропаға жету үшін 2 сағат жұмсайды, ал мұнда ұшу үшін 7-8 сағат кетеді. Сонымен қатар уақыт белдеуіндегі айырмашылық өте үлкен, мұны өзім де сезіндім.

Мен Белламидің айтқанымен келісемін – бұл төсенішке байланысты емес. Ұлыбританияда клубтар жаттығу залында жасанды төсеніште жаттығады. Менің ойымша, басты фактор – алыс сапар және ойын алдындағы қысқа уақыт», – деді Блэйк.

2026 жылғы әлем чемпионатының іріктеу кезеңіндегі Қазақстан – Уэльс матчы 4 қыркүйек күні сағат 19:00-де «Астана Аренада» өтеді.