Уэльс капитаны – Родонның жарақаты туралы: біз үшін бұл үлкен шығын

Уэльс құрамасының капитаны Бен Дэвис Қазақстанға қарсы ойын алдындағы баспасөз мәслихатында Астанаға келгеннен алған әсерімен бөлісіп, командадағы кадрлық жағдайға баға берді, деп хабарлайды BorodAbata.kz (AS News).

«Кеше келдік. Жолымыз болды, Кардиффтен Астанаға тікелей рейс болды. Түнде демалып, күндіз қаланы аралап шықтық. Бүгін жақсы жаттығу өткіздік.

Әрине, Джо Родонның жоқтығы команда үшін үлкен сынақ. Ол соңғы екі жыл бойы команданың бір бөлігі болды. Бірақ бізде өз мүмкіндігін күткен жігіттер бар. Олар үшін бұл өзін көрсетіп, дайындығын дәлелдеудің керемет мүмкіндігі», – деді Дэвис.

Қазақстан – Уэльс ойыны 4 қыркүйек күні сағат 19:00-де «Астана Аренада» өтеді.