Сәтпаев – Лондондағы өмірі жайлы: ол жақта бәрі қымбат

Алматылық «Қайраттың» шабуылшысы әрі «Челсидің» болашақ ойыншысы Дастан Сәтпаев Англиядағы өмірінен алған әсерімен бөлісті, деп хабарлайды BorodAbata.kz (AS News).

«Мені Лондондағы баға таң қалдырды. Онда өмір сүру өте қымбат. Олардың жақсы табыс табатынын түсінемін, бірақ бәрібір қымбат. Нақты не қымбат дейсіз бе? Барлығы қымбат – тамақ, басқа да заттар, салық көлемі. Бір кездері британдық салықтар туралы біраз ақпарат жинағанмын», – деді Сәтпаев Нобель Арустамянға берген сұхбатында.

Ережеге сәйкес, Дастан лондондық клубпен кәмелеттік жасқа толғаннан кейін ғана толыққанды келісімшартқа отыра алады. 2026 жылдың тамызында 18 жасқа толған шабуылшы «Челсидің» толыққанды ойыншысына айналады.