Дастан Сәтпаев: Палмермен суретке түсіп, Мудрикпен сөйлестім

Жақында ғана 17 жасқа толған «Қайрат» шабуылшысы Дастан Сәтпаев «Челсиге» қаралымға барған сәтте негізгі команданың ойыншыларымен кездескенін мәлімдеді.

«Ойыннан кейін бізді негізгі команданың базасына алып барды. Сол жерге жақын екен. Жаяу баруға да болады. Жаттығу базасын көрсетіп, ойыншылармен таныстырды. Тіпті Коул Палмер, Кристофер Нкунку және Энцо Фернандеспен суретке түсіп алдым. Мудрикті де көрдім.

– Олар сенің кім екеніңді біле ме?

«Мудрик бізбен сөйлесе бастады. Матч жайлы сұрады. Ағылшынша сұрақ қойып бастаған еді, мен оған орыс тілінде жауап бердім. Ол таң қалып, менен қай жақтан екенімді сұрады. Қазақстаннан екенімді айттым».

Дастан Сәтпаев келесі жазда, нақтырақ айтсақ, 12 тамыз күні 18 жасқа толады. Дәл сол кезде Лондонға аттанып, «Челси» қосылады.