Барсегян – Кенжебек туралы: бізге қарсы жақсы ойнады – бұл көп нәрсені аңғартады

«Слован Братислава» мен Армения құрамасының жартылай қорғаушысы, бұған дейін «Қайсар» мен «Астана» сапында өнер көрсеткен Тигран Барсегян BorodAbata.kz тілшісіне жарты маусымды Словакияның «Кошице» клубында өткізген қазақстандық жартылай қорғаушы Ғалымжан Кенжебек туралы пікірімен бөлісті.

«Ол өте жақсы ойнады. Алаңда 2-3 рет жолымыз түйісті – Ғалымжан жақсы ойын өрнегін көрсетті. Менің ойымша, ол тіпті гол соғып, нәтижелі пас берді. Бірақ Словакияда жолы болмады, өйткені бұл оның бұл елдегі бірінші жылы. Мен «Слованға» ауысқанымда, алғашқы маусымым сәтсіз өтті. Бірақ уақыт өте келе – екінші, үшінші маусымда ойыным жүре бастады. Бәрі адаптацияға байланысты: мұндағы климат пен алаң сапасы Қазақстаннан ерекше».

Барсегян Кенжебектің «Слованға» қарсы ойынын ерекше атап өтті:

«Ол бізге қарсы жақсы ойнады. Негізінде біздің командаға қарсы ойнау оңай емес. Оның тамаша қасиеттері бар, менің ойымша, ол алдағы уақытта жетістікке жетеді».

Ғалымжан Кенжебек 2025 жылдың жазында «Кошицеден» кетіп, «Елімай» сапына ауысты.