Виктор Гончаренко: Самородовтың Еуропаға кететін шамасы бар

ЦСКА мен «Краснодар» клубтарының бұрынғы жаттықтырушысы Виктор Гончаренко Максим Самородовтың неліктен «Ахматтың» негізгі құрамына ілінбей жүргенін айтып берді.

«Ахматқа» қарсы матчтарға дайындалған кезде Самородовтың қасиеттерін зерттедім. Маған ол қатты ұнады, сондықтан оның негізгі құрамға шығуы уақытты қажет етсе керек. Жаңа бапкер келгенде, құрамды жақсылап зерттеп алуы керек. Оның үстіне, оларға Касинтура мен Конате келіп, бәсекелестік арта түсті.

Барлығы Максимнің өзіне, қалай жұмыс істейтініне және жаттығуда өзін қалай көрсететініне байланысты. Бірақ ол негізгі құрамға лайық. Оны Мансилья деңгейімен салыстыруға болады ма? Әрине. Кейбір аспектілерде олар ұқсас, ал кейбір жағынан Самородов одан күшті. Мүмкін, Брайанды шақыру Сторожуктың идеясы болған шығар, сондықтан ол Мансильяға ерекше көзқараспен қарайды.

Макс Еуропаға бара ала ма? Неге жоқ? Ол бойында ашуы мен агрессиясы тасып тұрған жігіт, сондықтан дамуын тоқтатпасын», - деді Гончаренко BorodAbata.kz сайтына берген сұхбатында.

Самородов Грозный клубына 2024 жылдың жазында бір миллион еуроға ауысты. Өткен маусымда 23 жастағы қазақстандық футболшы 32 матчқа қатысып, сегіз гол соқты, төрт нәтижелі пас берді.