Эксперт – Зайнутдиновтың трансфері туралы: «Спартакқа» ауысса, мұны ЦСКА фанаттары түсінбес еді

«Спорт-Экспресс» журналисі Микеле Антонов BorodAbata.kz сайтына берген сұхбатында Бақтиер Зайнутдиновтың «Динамоға» ауысуы туралы өз пікірімен бөлісті.

«Карпин қазір «Динамоның» ғана емес, Ресей құрамасының бапкері. Сондықтан көптеген футболшылар «Спартакты» немесе «Зенитті» емес, «Динамоны» таңдайды. Біз Иван Сергеевтің шешіміне Карпинның ықпал еткенін көрдік. Баханың да «Спартакқа» ауысатын мүмкіндігі болды, бұл туралы БАҚ хабарлады. Бірақ ЦСКА жанкүйерлері оның бұл шешімін дұрыс түсінбеуі мүмкін, өйткені ол қанша жыл бойы ЦСКА-да ойнады. Баханың өзі айтқандай, бауырлас клубқа ауысу жақсы шешім болды», – деді Антонов.

Жартылай қорғаушының дебюті мен ойын формасына келетін болсақ, журналист бұған қатысты оң пікірін білдірді:

«Ол алаңға шыққанда жанкүйерлер шулап, оны өте жылы қарсы алды. Бұл тек «Динамо» жанкүйерлерінің қолдауы емес. ЦСКА фанаттары да оны жылы қарсы алатынына сенімдімін.

Баха белсенді болды: ол креативке жауап берді, доппен шабуылға шықты, ойын барысын өзгертуге тырысты. Ол жаңадан келген ойыншыға ұқсамады, командаға және Карпинның схемасына тез бейімделді.

Онымен алғашқы күндердің өзінде қарқынды жұмыс жасалды. Ол алаңнан кетпей, барынша дайын болуға тырысты. Менің ойымша, Баха бірте-бірте ойын уақытын алуы керек: алдымен 10-15 минут, содан кейін 20-25-30, ал содан кейін негізгі құрамға шығады».

Зайнутдиновтың «Бешикташтан» «Динамоға» ауысқаны 28 шілдеде ресми түрде жарияланды. 29 шілдеде футболшы Ресей кубогы аясында «Сочиге» қарсы матчта дебют жасады.