«Қайраттың» экс-ойыншысының командасы 14 ұпайлық басымдықты жоғалтып, чемпион бола алмады

Алматылық «Қайраттың» экс-футболшысы Егор Сорокин өнер көрсететін қытайлық «Чэнду Жунчэн» клубы ең соңғы турда жергілікті чемпионаттың алтын медалінен айырылып қалды, деп хабарлайды ASnews.kz.

Команда бүкіл маусым бойы турнирлік кестеде сенімді түрде көш бастап келген еді, ал мәреге бес матч қалғанда ең жақын қарсыласынан 14 ұпайға озып тұрды. Алайда, клуб бұл айтарлықтай басымдықты сақтап қала алмады.

Чемпионаттың қорытынды турында «Чэнду Жунчэн» «Шаньдун Тайшаньнан» 2:3 есебімен жеңілді. Бұл мүмкіндікті басты бәсекелесі «Далянь Инбо» ұтымды пайдаланып, «Тяньцзинь Цзиньмэнь Тайгерді» (3:1) ұтты. Нәтижесінде екі команда да 52 ұпайдан жинады, бірақ қосымша көрсеткіштердегі басымдықтың арқасында чемпиондық атақ «Далянь Инбоға» бұйырды.

Айта кетейік, алматылық «Қайраттың» бұрынғы қорғаушысы Егор Сорокин – қытайлық клубтың негізгі құрам ойыншысы. Аяқталған маусымда футболшы «Чэнду Жунчэн» сапында 30 матч өткізіп, өз еншісіне төрт гол жазды.