Гончаренко – Зайнутдиновтың РПЛ-ға оралуы жайлы: Баха қосалқы құрамның ойыншысы емес

Мәскеулік ЦСКА-ның бұрынғы бас бапкері Виктор Гончаренко BorodAbata.kz сайтына берген сұхбатында Қазақстан құрамасының жартылай қорғаушысы Бақтиер Зайнутдиновтың «Бешикташтан» «Динамоға» ауысуы туралы пікірімен бөлісті.

«Динамоға» оралу, әрине, кері қадам емес, өйткені оның Түркияда жағымсыз жарақаты болды, сондықтан Баха қосалқы құрамнан шыға алмады. Ол жақсы білетін бапкерімен қайта қауышты. Баха қайда бара жатқанын түсінеді: ойын тәжірибесі деген жақсы ғой. Мен оның қайтадан бұрынғы бабына келіп, өзін тағы да Еуропада сынайтынына сенімдімін.

Зайнутдиновты қосалқы құрамның ойыншысы деп айта алмаймын. Сол қапталдағы Скопинцев оған лайықты бәсекелес болайын деп тұр. Дегенмен, Баханың бір артықшылығы – ол бірнеше позицияда ойнай алады: «Ростовта» вингер ретінде бастап, кейін қорғаныс қапталында, кейін алаң ортасында ойнады. Барлығы бапкердің оны қалай пайдаланғысы келетініне байланысты. «Динамо» оны пайдалсын тигізеді деп алды», - деді Гончаренко.

Еске салайық, Бақтиер Зайнутдинов 28 шілде күні «Бешикташтан» кетіп, ресми түрде «Динамо» ойыншысы атанды. 29 шілдеде ол мәскеулік команда сапындағы алғашқы ойынын Ресей Кубогында «Сочиге» қарсы өткізді.

Бұған дейін Қазақстан құрамасының бұрынғы бапкері Александр Бородюк Зайнутдиновтың мәскеулік клубқа ауысуы туралы пікір білдірген болатын.