Али Гаджибеков: Дамир Марат ұлттық құрама деңгейіне дейін өсе алады

«Ақсу» клубының бұрынғы қорғаушысы Али Гаджибеков «Оқжетпестің» қазіргі көшбасшысы Дамир Маратпен бірге ойнаған кезін еске алды. ҚПЛ-дың осы маусымында қазақстандық футболшы төрт гол соғып, үш нәтижелі пас берді.

«Анда-санда «Ақсуда» бірге ойнаған жігіттерді бақылап отырамын. Дамир мені өзінің техникасы және мінезімен таң қалдырды. Ол кезде Марат клубқа жаңадан келген жас жігіт еді, бірақ алғашқы маусымының өзінде қаншама ойынға қатысты. Жаттығу кезінде ол негізгі құрамдағы орынға лайық екенін дәлелдеді.

Басқалармен салыстырғанда Марат ойынды жиі өз қолына алып, қарсыластарын бірге-бір алдап өтетін, сондықтан оның бүгінде «Оқжетпесте» үздік болып жүргені мені таң қалдырмайды. Ол тәжірибе жинап келеді. Мен оны қалай есте сақтап қалдым? Дамир тәртіпке қатты қарайды: егер ойын кезінде қабағын қатып жүрсе, күнделікті өмірде күлімсіреп, сабырлы түрде әрекет ететін. Бір-бірімізбен жақсы араластық».

«Анжи» (Махачкала) командасының бұрынғы капитаны 24 жастағы вингердің болашағына баға берді:

«Ол еңбекқор ойыншы. Дамир тынбай еңбек ете берсе, оның болашағы жарқын болады. Ол ұлттық құрама деңгейіне дейін жете алады», – деді Гаджибеков BorodAbata.kz сайтына берген сұхбатында.

Дамир кәсіби мансабында «Ақсу» мен «Оқжетпестен» бөлек, «Рузаевка», «Алтай», «Екібастұз», «Каспий» сынды клубтарда доп тепті.