Гончаренко – Зайнутдиновтың РПЛ-ға оралуы туралы: оны Карпин көндірді

ЦСКА-ның бұрынғы бас бапкері Виктор Гончаренко Бақтиер Зайнутдиновтың «Динамоға» ауысуына қатысты пікір білдірді.

«Егер олар Бақтиер үшін 2,8 миллион еуро төлесе, онда ол соған лайық. ЦСКА оны қаншаға (4,5 миллион - ред.) сатқанын және «Бешикташпен» қанша жылдық келісімшартқа отырғанын ескерген жөн.

Карпинмен арадағы қарым-қатынас бұл трансфердің жүзеге асуына қаншалықты көмектесті? Зайнутдинов қайда бара жатқанын білді, егер қызығушылық танытқан клубтардың деңгейі бір болса, сіз әрқашан таныс бапкері бар команданы таңдайсыз. Олардың өзара әңгімелескеніне сенімдімін: Георгиевич бірден Батеканың «Динамодағы» рөлі мен позициясын атап өткен шығар. Осылайша, Зайнутдиновқа шешім қабылдау оңайырақ болды», – деді беларусь маманы BorodAbata.kz сайтына берген сұхбатында.

Гончаренконың басшылығымен 27 жастағы қазақстандық футболшы 25 матч өткізіп, төрт гол соққан. Ал «Ростовта» Зайнутдинов «Динамоның» қазіргі бас бапкері Валерий Карпинмен бірге жұмыс істеді.