Бородюк Зайнутдиновтың «Динамоға» ауысуын қолдады

Қазақстан құрамасының бұрынғы бапкері Александр Бородюк BorodAbata.kz сайтына берген сұхбатында Бақтиер Зайнутдиновтың мәскеулік «Динамоға» ауысуы туралы пікірімен бөлісті.

«Мен Бақтиерға Мәскеудің «Динамосында» жақсы ойнап кетуін және сәттілік тілеймін. Ол спортшы ретінде де, адами тұрғыдан да өте жақсы футболшы. Өзін Еуропада қайта сынап көре ме? Бұл оның жеке жоспарлары, оның қайда ойнағысы келетіні және қайда ауысатыны туралы айтудың қажеті жоқ шығар. Бұл оның жеке шешімі. Мен оған бар жақсылықты және «Динамо» секілді ұлы клубта барынша жақсы ойнап кетуін тілеймін», – деді Бородюк.

28 шілдеде мәскеулік клубтың баспасөз қызметі Қазақстан ұлттық құрамасының жартылай қорғаушысы Бақтиер Зайнутдиновтың трансфері жайлы хабарлаған болатын. Келесі күні футболшы «Динамо» сапында дебют жасап, Ресей кубогында «Сочимен» болған ойынға қатысты.