«Динамоның» экс-селекционері – Зайнутдиновтың трансфері жайлы: бұл кері қарай жасалған қадам емес

Кезінде «Динамо» командасында селекцияға жауапты болған Геннадий Голубин BorodAbata.kz сайтына берген сұхбатында Қазақстан құрамасының жартылай қорғаушысы Бақтиер Зайнутдиновтың түркиялық «Бешикташтан» мәскеулік клубқа ауысуы туралы пікір білдірді. Ресейлік БАҚ-тың хабарлауынша, футболшы медициналық тексерістен өтіп, жақын уақытта келісімшартқа отырады.

«Менің ойымша, бұл кері қарай жасалған қадам емес. «Динамо» жақсы команда жинап жатыр, ал Бақтиер бұған дейін бірге жұмыс істеген бапкеріне қайта келді. Карпин Батеканы не үшін шақырып жатқанын түсінеді, себебі ол бірнеше позицияда ойнай алатын жан-жақты ойыншы. Оның деңгейіне күмән жоқ. Сондықтан мен бұл трансферді нашар деп атамас едім».

Сондай-ақ Зайнутдиновтың Еуропадағы болашағына да тоқталды:

«Еуропаға кетуге әлі де кеш емес. РПЛ футболшылары әртүрлі чемпионаттарға ауысады. Жасы да маңызды емес. Сондықтан мен ешқандай қиындық көріп тұрған жоқпын – Бақтиердың көрер қызығы әлі алды», – деді функционер.

Геннадий Голубин 2011-2017 жылдар аралығында «Динамо» құрылымында жұмыс істеді. Қазіргі уақытта ол словениялық «Целе» клубында спорт директоры қызметін атқарады.

Бұған дейін Зайнутдиновтың бірінші бапкері жартылай қорғаушының «Динамоға» ауысуы туралы пікірімен бөліскен болатын.