Ілияс Әбіл – Португалияда ойнауы жайлы: «Жил Висентенің» негізгі құрамында ойнағым келеді

19 жастағы қазақстандық жартылай қорғаушы Ілияс Әбіл жаңа маусымды «Жил Висентенің» қосалқы құрамында бастайды, деп хабарлайды BorodAbata.kz. Өткен жылы ол жастар құрамасында өнер көрсетті.

«Мен жасыма байланысты U-23 командасына көтерілдім, бірақ бапкер менің прогресс жасағанымды қалайды. Мақсат – негізгі құрамға ену, бірақ әзірге жарақаттан емделіп жатырмын», – деді Ілияс.

Қазақстан жастар құрамасының жартылай қорғаушысы «Жил Висентеге» 2024 жылдың басында қосылған болатын.

Өткен маусымда Әбіл U-19 командамен бірге плей-офф кезеңіне дейін жетті. Топтық кезеңде «Бенфика», «Порту» және «Брага» жастарымен күш сынасты.