Өзбекстан құрамасының экс-ойыншысы Қазақстанның АФК-ға оралуы туралы: Азияда оңай болмайды

Өзбекстан құрамасының бұрынғы қорғаушысы, «Тобылмен» бірге Қазақстан чемпионы атанған Олег Сабиров BorodAbata.kz сайтына берген сұхбатында Қазақстанның Азияға қайта оралу мүмкіндігіне күмәнмен қарайтынын айтты:

«Азияға қайта оралу мүмкін еместей көрінеді. Бірдеңені өзгертудің не керегі бар? Федерация мұны жақсы түсінеді. Мұның қандай мән-мағынасы бар? Адамдар Еуропаға жетуге асығады, ал қазір, бізге топ командалар келгенде, кенет бірдеңені өзгертуді қалайсың. Тура бизнес сияқты – сіз мақсатыңызға қарай бара жатасыз, тіпті жетіп те қалдыңыз, бірақ сол жерден кері бұрылып, жаңадан бастау туралы шешім қабылдайсыз.

Азияда оңайырақ болады деп жүр ме? Мен олай айтпас едім. Көре жатармыз...

Қазақстанда осындай менталитет бар – барлығы бірден нәтиже талап етеді. Жаттықтырушыларға өзін көрсетуге уақыт берілмейді. Адиев келді – одан да бірден нәтиже талап етті. Черчесов келіп, бәрін тез арада түзетеді деп ойлады. Қазір Әлиев келді, бұл бапкерден де алдағы әлем чемпионатына жолдама алатындай нәтиже күтеді. Бірақ олай болмайды – бұл ұзақ процесс. Әлиев оқу-жаттығу жиынында барлық жас ойыншыларды қарап шықты, тәжірибелі ойыншыларға баға берді. Біреу қатардан шығып қалса, оны алмастыратын ешкім жоқ. Мен Әлиевті, Черчесов пен Адиевті жақсы түсінемін», – деді Сабиров.

Шымкент қаласының тумасы Олег Сабиров Өзбекстан құрамасы сапында тоғыз матч өткізген. 2010 жылы Қостанайдың «Тобылымен» бірге Қазақстан чемпионы атанды.

Қазақстандық белгілі бапкер Дмитрий Огай бұған дейін де осы тақырыпта сөз қозғап, Еуропа мен Азия арасында көшіп-қонып жүру Қазақстан футболына пайда әкелмейтінін баса айтқан болатын.