«Динамоның» экс-селекционері: Зайнутдинов РПЛ чемпионы атануы мүмкін

«Динамо» командасында селекция бөліміне жауапты болған Ахрик Цвейба Бақтиер Зайнутдиновтың трансфері туралы пікір білдірді. Ресейлік БАҚ-тың хабарлауынша, мәскеуліктер қазақстандық футболшы үшін 2,5 миллион еуро төлейді.

«Егер «Динамо» шынымен де Зайнутдиновты сатып алса, команда күшейе түседі. Батека РПЛ-ға бейімделіп қойған, Карпин де оның әлеуетін толық біледі. Бақтиердың артықшылықтары ретінде оның жан-жақтылығын, техникасын, алаңды көре білуін және сол аяғының жақсы екенін атап өткім келеді. Бұл ойыншы маған әрқашан ұнайтын – ол физикалық тұрғыдан да мықты.

2,5 миллион еуро – бұл лайықты баға. Мен Георгиевичтің келуімен команда қызықты, агрессивті футбол көрсетеді деп күтемін, сондықтан «Динамоның» болашағы бар деген үміттемін. Олардың чемпион атануға мүмкіндігі мол», – деді Цвейба BorodAbata.kz сайтына берген сұхбатында.

Зайнутдинов 2023 жылы 4,5 миллион еуроға «Бешикташқа» ауысты. Бұған дейін қорғаныста да ойнауға қабілетті 27 жастағы жартылай қорғаушы ресейлік «Ростов» пен ЦСКА сапында өнер көрсеткен.

Цвейба – бұрынғы «Динамо» ойыншысы және функционер. Кезінде Ресей құрамасы сапында сегіз матч өткізген. Оның ұлы Сандро 2016 жылы «Ақтөбе» сапында ойнаған.