Ермұхаммед Мәулен: қазір ұлттық құрамада ойнағысы келмейтін футболшылар бар

Қазақстан құрамасының бұрынғы баспасөз хатшысы Ермұхаммед Мәулен ұлттық құрамадағы мәселелерді жайып салды, деп хабарлайды BorodAbata.kz.

«Осылай жалғаса берсе, Македонияны да, Уэльсті де, Өзбекстанды да ұтпаймыз. ҚФФ президенті алдағы үш матчта нәтиже болмаса, бас бапкерді ауыстырамыз депті. Бұл үш ойында нәтиже болмайды. 100 пайыз кепілдік беремін.

Аты-жөнін айтуға да ұялып отырмын, бірақ қазір ұлттық құрамада ойнағысы келмейтін футболшылар бар. Өйткені, оларға бапкерлік штаб, федерация басшылығындағы адамдар ұнамайды. Ұлттық құрама ғой, елім ғой, артымнан туған-туысқандарым қарап отыр-ау деген сезім де жоқ. Бірақ оның бәрін оятып, жүрегіне қарай сөз табуға болады. Тура Магомед Адиев секілді.

Футболшылардың ойнағысы жоқ. Өткенде Беларусьтен масқара боп ұтылдық. Мықты команда болса түсінер едім, олардың негізгі құрамында жүрген алты футболшы Қазақстан Премьер-лигасында ойнайды. Күнде бірге ойнап жүрген футболшылар ғой солар. Тас-талқанын шығарып ұтуға болады. Екі жыл бұрын дәл сол Беларусьті үйде де, сырт алаңда да жеңгенбіз. Ал бір жылдан кейін жағдайымыз қиын», – деді Мәулен Sadaq Media ютуб-арнасына берген сұхбатында.

• Мәулен – қазақ футболындағы кландар туралы: олар мені өздеріне тартқысы келген
• Ермұхаммед Мәулен: ҚПЛ-дағы әр үш матчтың бірі келісілген түрде өтіп жатыр