«Орта ауыстыру жақсы әсер етуі мүмкін»: Парфенов – Зайнутдиновтың «Спартакқа» ауысуы жайлы

Мәскеулік «Спартактың» бұрынғы капитаны әрі аңызға айналған қорғаушысы Дмитрий Парфенов BorodAbata.kz сайтына берген сұхбатында Қазақстан құрамасының жартылай қорғаушысы Бақтиер Зайнутдиновтың ресейлік клубқа ауысу ықтималдығын бағалап, оның РПЛ-дағы болашағына қатысты пікір білдірді.

«Егер Зайнутдинов «Спартакқа» ауысса, команданы күшейте ала ма? Солай болады деп ойлаймын – ол сөзсіз өз позициясындағы бәсекелестікті күшейтеді.

Өткен жылғы қиын маусымнан кейін оның бұрынғы формасына қайта келе алатын потенциалы бар. Бұған жасы да мүмкіндік береді, әрі орта ауыстыру оған оң әсер етуі мүмкін. Оның үстіне, бұл лига оған жақсы таныс – бейімделу үшін көп уақыт қажет етпейді», – деді «Ақтөбенің» бұрынғы бапкері.

Бұған дейін БАҚ беттерінде Бақтиер Зайнутдинов мәскеулік «Спартакқа» ауысуы мүмкін деген ақпарат тараған болатын.