«Крылья Советовтың» бұрынғы функционері: Адиев Чесноковтың мықты тұстарын біледі

«Крылья Советовтың» бас директорының бұрынғы орынбасары Зураб Циклаури Ислам Чесноковпен келісімшарт жасасу мүмкіндігіне қатысты пікір білдірді. Самара клубы қазақстандық ойыншыға шотландиялық «Хартс» командасымен секілді қызығушылық танытуда.

«Мен Чесноковтың қасиеттері туралы объективті пікір қалыптастыра алмаймын, бірақ осы фамилиямен, әрине, таныспын. Ол ұлттық құрама ойыншысы әрі Адиевпен жақсы таныс. Сондықтан бапкер оны өз командасына қосуды қаласа, бұл объективті шешім. Адиев Исламның қай қабілеттерінің арқасында «Крыльяда» табысқа жете алатынын жақсы түсінеді.

25 – тамаша жас. Ол қазір тәжірибелі футболшы саналады, бірақ футболшы ретінде дамудың нақты бір шегі жоқ. Егер ол Самараға келсе, барлығы бейімделу процессіне байланысты болады. Ауысымды тек қана чемпионаттың бірінші айналымы аяқталғанда ғана бағалауға болады», – деді Циклаури BorodAbata.kz сайтына берген сұхбатында.

Циклаури «Крылья Советов» сапында бес жыл бойы футболшы ретінде ойнап, кейін селекция бөлімінің жетекшісі болған.