Ислам Чесноков ҚПЛ-дағы клубын таңдады: бұл «Ордабасы» емес

Қазақстан ұлттық құрамасы мен шотландиялық «Хартс» клубының вингері Ислам Чесноков болашағына қатысты шешім қабылдады, деп хабарлайды ASnews.kz тілшісі.

Егер футболшы Қазақстан премьер-лигасына оралуды ұйғарса, оның жалғыз таңдауы қостанайлық «Тобыл» болмақ.

Мәселе мынада: Чесноков қостанайлық клубтан кетер кезде, елге қайта оралған жағдайда тек «Тобылға» ауысатыны туралы уәде берген. «Хартс» ойыншысының өз сөзінде тұратын азамат екені белгілі, сондықтан ол берген уәдесін орындауды көздеп отыр.

Дегенмен, футболшының дәл қазір Қазақстанға оралуы екіталай. Бүгінгі таңда ҚПЛ-да ойнау ойыншы үшін негізгі нұсқа емес – себебі Чесноковқа Ресей мен Түркияның бірнеше клубтары қызығушылық танытуда.

Бұған дейін бұқаралық ақпарат құралдарында Ислам Чесноковқа шымкенттік «Ордабасы» клубы тарапынан қызығушылық бар екені туралы ақпарат пайда болған еді.