Покатилов – «Сабахқа» ауысуы жайлы: шетелден түскен ұсыныстар қызық болып көрінді

Қазақстан құрамасының қақпашысы Стас Покатилов BorodAbata.kz сайтына берген сұхбатында «Сабах» клубына ауысқан сәтін еске алды.

– «Сабахқа» ауысу туралы нұсқа пайда болған сәт есіңде ме?

– Қателеспесем, желтоқсан айының соңында пайда болды. Украинадан агенттер менімен байланысқа шығып, «Сабахтың» қызығушылық танытқанын айтты. Мен «жақсы, көрейік» деп жауап бердім. Маған ол кезде Қазақстаннан тыс түскен ұсыныстар қызық болып көрінді. Кейін олар жоғалып кетті.

Қаңтар айының басында «Сабахтың» директоры хабарласып, барлық мән-жайды сол кісімен талқыдадым.

– Сен ол кезде оқу-жаттығу жиынына қатыспай, тек Оралда жеке жаттығып жүрдің. «Сабахпен» келісімшартқа отырып, бір матч қосалқы құрамда қалдың, бірақ содан кейін негізгі қақпашы атандың.

– Иә, солай болды. Жағдайға қарап әрекет етуге тура келді. «Сабахқа» келгеннен кейін алғашқы екі апта бойы күніне екі рет жаттығу өткізіп жүрдім.

– Қарқындылығы жағынан мұндағы жаттығуларды Қазақстанмен салыстыруға келе ме?

– Үлкен айырмашылық көріп тұрған жоқпын. Мұнда бәрі тек жеке жаттығуларға байланысты деп ойлаймын

– Мұндағы футбол базалары Қазақстанға қарағанда әлдеқайда жақсы беп естідім.

– Тек «Сабах» жайлы айта аламын. Мұндағы базалардың жағдайы жақсы. Осы уақытқа дейін ойнаған командаларды есептесем, әзірге «Қайрат» базасы жағынан бірінші орында тұр. Одан кейінгі орынға «Сабахты» қояр едім. Клубтың базасы жаман емес деп ойлаймын. Ал Қазақстан үшін бұл өте жақсы база болып саналады.