ҚФФ президенті: бір жыл ішінде қазақ тілін үйреніп аламын

Қазақстан футбол федерациясының президенті Марат Омаров алдағы уақытта қазақ тілін үйренуге уәде беріп, бас бапкер Әли Әлиевтің болашағына қатысты пікір білдірді.

– Қазақ тілінде ойыңызды әрең жеткізесіз. Алдағы уақытта қазақ тілін толықтай үйреніп аламын деп уәде бере аласыз ба?

– Әрине, біраз уақыт керек. Бірақ ұзақ мерзім қажет емес. Бір жыл ішінде еркін сөйлеп, қазақ тілінде сұхбат беретін боламын. Сіздердің көмектеріңіз қажет.

– Ұлттық құраманың бас бапкері Әли Әлиевке өзін көрсетуге қанша уақыт бересіз?

– Бұл – спорт. Мен тек қана УЕФА, ФИФА ұйымдарымен сөйлесемін, инвесторларды тартамын. Ал бас бапкер туралы бас хатшыдан сұрау керек. Уэльс және Бельгияға қарсы ойынның қалай өтетінін көреміз. Одан бөлек бізде Өзбекстанмен жолдастық матч бар. Сол үш кездесуде дұрыс нәтиже болмаса, кадрлық өзгерістер жасаймыз.