ҚПЛ-дың экс-легионері – Гамшиктің сөзі жайлы: жағымсыз тосынсый алуы мүмкін

«Ақтөбе» мен «Қайсардың» молдовалық бұрынғы қорғаушысы Владимир Гинайтис ASnews.kz сайтына берген сұхбатында Словакия құрамасының бапкері Марек Гамшиктің сөзіне пікір білдірді. Бұған дейін словак Қазақстан мен Молдовамен бір топқа түскеніне қуанышты екенін айтқан болатын.

«Марек Гамшиктің бұл жеребені ыңғайлы, ал қарсыластарды шамасы жететіндей санайтыны түсінікті. Ол мүлдем басқаша айтуы да мүмкін еді, дегенмен, меніңше, ол ойын абайлап жеткізді. Бұл жерде мәселе мынада: бұл сөздерге қалай әрекет ету керек? Біреулер үшін бұл – қосымша мотивация, енді біреулер үшін – зығырданын қайнататын «қызыл шүберек».

Егер команданың амбициясы болса, мұндай сөздер тек зейінді арттыра түседі. Егер біреу қарсыласты ыңғайлы деп санаса, бұл – одан жағымсыз тосынсый алудың ең төте жолы. Бұл топта бәрін даурығып айтылған сөз емес, ойындарға дайындық сапасы шешеді», – деді Гинайтис.

Еске салайық, Ұлттар лигасының C3 тобында Қазақстан мен Молдова Словакия және Фарер аралдарына қарсы ойнайды.

«Ақтөбенің» (11 матч) және «Қайсардың» (7 ойын) экс-ойыншысы жақында клубтық тіркеуін өзгертіп, қырғызстандық «Азиягол» командасымен келісімшартқа қол қойды.