Функционер – Қазақстанның Ұлттар лигасындағы мүмкіндігі туралы: олар Молдовадан күштірек

«Краснодар» клубының бұрынғы техникалық директоры Александр Толстиков ASnews.kz сайтына берген сұхбатында Қазақстан құрамасының Ұлттар лигасындағы мүмкіндігін бағалады.

«Футболдың бір кереметі – онда әрдайым күтпеген нәтижелер болып тұрады. Қазақстан мен Молдова Словакия мен Фарер аралдарынан жоғары орын алады деп сенейік. Деңгейлері қаншалықты тең екенін айту қиын, бірақ бәрібір Қазақстан сәл күштірек сияқты.

Бұл – бұрынғы посткеңестен шыққан екі ел. Сондықтан қай-қайсысы болмасын алда болуға тырысады. Қызықты ойындар болады деп күтемін», – деді 53 жастағы маман.

Талғат Байсуфинов баптайтын Қазақстан құрамасы C3 тобында Молдова, Словакия және Фарер аралдарымен ойнайды. Топ жеңімпазы В лигасына жолдама алады. Алғашқы тур ойындары қыркүйек айының соңында өтеді.

Толстиков – Молдова КСР-ның тумасы. 2011–2012 жылдары ол «Краснодар» клубында бас скаут қызметін атқарды, кейін директор ретінде қайта оралды. Сондай-ақ футбол агенті болып та жұмыс істеген.