Әліп – Еуро-2024-ке шықпай қалу туралы: футболымыз басқаша дамитын еді

«Зенит» пен Қазақстан құрамасының қорғаушысы Нұралы Әліп ASnews.kz сайтына берген сұхбатында Еуро-2024 іріктеу кезеңінің драмалық аяқталуын, ұлттық құраманың шешуші матчта Словенияға есе жіберген сәтін (1:2) еске алды.

«Иә, егер екі жыл бұрын Словенияны жеңгенімізде, Германиядағы Еуропа чемпионатына қатысар едік. Бәлкім, футболымыз басқа бағытта дамитын ба еді.

Әрине, бұл өте өкінішті жеңіліс болды. Бүкіл Қазақстан бізге сенді. Бұл біз жеңуге тиіс соңғы ойын еді. Еуроға дейін бір қадам қалған болатын. 1:2 есебімен ұтылып, финалдық кезеңге өте алмадық», – деді Әліп.

Сондай-ақ қорғаушы Люблянадағы ойынның шешуші сәттерін және Қазақстанда есепте алға шығу мүмкіндігі болғанын еске түсірді.

«Матч барысында бірінші болып гол жіберіп алдық. Екінші тайм басталған соң Рамазан Оразов есепті теңестірді. Екі минуттан кейін Рамазанда жаңа мүмкіндік болды, бірақ, өкінішке қарай, біз оны пайдалана алмадық.

Сол кезде екінші голды соғамыз деген үміт болған. Алайда матч соңында қарсылас қақпаның «тоғыздығына» гол соғып кетті».

Еске салайық, іріктеу кезеңінің шешуші матчы 2023 жылдың қарашасында өткен еді. Магомед Адиев бастаған Қазақстан құрамасы сырт алаңда Словенияға есе жіберді (1:2). Алаң иелерінің жеңіс голын 86-минутта Беньямин Вербич соқты.

Жеңіліске қарамастан, сол іріктеу циклі Қазақстан үшін жинаған ұпайлары мен жеңістер саны бойынша рекордтық көрсеткіш болды.