Ринат Алюетов – Чесноковтың болашағы жайында: Шотландия трамплин болады

Қазақстандық маман Ринат Алюетов ASnews.kz сайтына берген сұхбатында шотландиялық «Хартс» клубына ауысқан Ислам Чесноковтың Еуропадағы болашағына баға берді.

«Ол жас жағынан нағыз кемеліне келген шағында тұр. Шотландия Ислам үшін трамплин болады. Болашақта тек Англия ғана емес, басқа да еуропалық клубтарға кетуі мүмкін. Жас футболшыларға Чесноков Еуропаға бет бұру керектігін көрсетіп берді. Футболшы ойнайтын әрі жаттығатын орта неғұрлым мықты болса, ұлттық құрамамыз да соғұрлым күшейе түседі», – деді Алюетов.

25 жастағы вингердің Эдинбург клубымен келісімшарты 2028 жылдың жазына дейін жасалған.

Бұған дейін ұлттық құрама көшбасшысының трансферіне қатысты танымал журналист Ермұхамед Мәулен де пікір білдіріп, Чесноковтың Англия Премьер-лигасына жол тартуға әлеуеті бар екенін атап өткен еді.