«Газиантеп» Айымбетовке қызығушылық танытып отыр. Форвард Түркияда қалады

Абат Айымбетов мансабын «Газиантепте» жалғастыруы мүмкін, деп хабарлайды BorodAbata.kz.

Түркиялық клуб құрамын қазақстандық шабуылшымен күшейтуді жоспарлап отыр және Абатқа қомақты бонус ұсынуға дайын. Оның «Аданамен» келісімшарты осы айда аяқталады.

Трансфер жүзеге асса, Айымбетов Суперлигада өнер көрсетуін жалғастырады. Өткен жылы «Газиантеп» турнирлік кестеде 14-орынға тұрақтаса, «Адана» небәрі екі ұпаймен төменгі дивизионға түсіп қалды.

«Адана» сапында Абат 37 матч өткізіп, 6 гол соқты.