«Жеңіс» пен «Шахтерға» қажет болмаған қазақстандық қақпашы мансабын Түркияда жалғастырады

17 жастағы қазақстандық қақпашы Тимурхан Картал Түркияның «Йозгатспор» клубына ауысты, деп хабарлайды ASnews.kz.

Астананык тумасы Түркияның төменгі дивизионында бақ сынайтын клубпен келісімшартқа отырды. Бірінші дивизионда ойнайтын «Чорумның» негізгі командасында дебют жасағанына қарамастан, қақпашы көбіне жастар (U19) құрамасында ойнады:

«Йозгатспорға» ауысу нұсқасы қызықты болып көрінді. Жас футболшылармен жүргенше, онша күшті емес лигада, бірақ ересектермен ойнаған дұрыс. Мен Тимурханның біртіндеп төменнен жоғарыға көтеріледі деп күтемін – скауттар оны жіті бақылап отыр», – деп түсіндірді қақпашының әкесі Салих.

Осы жылдың маусым айында қақпашы «Жеңіс» сапында қаралымнан сәтті өтті, бірақ клуб ойыншы үшін өтемақы төлеуден бас тартты. «Шахтерға» да ауыса алмады: қарағандылық клубта басшылықтың ауысуына байланысты трансфер жүзеге аспады.

Тамыз айының басында қазақстандық қақпашы Түркия Суперлигасының клубына ауысуы мүмкін еді. Картал «Антальяспордың» жаттықтырушылар штабын көндіргенәмен, ФИФА-ның трансферлік тыйымына байланысты клуб қажетті құжаттарды рәсімдей алмады. Ақыр соңында, қақпашы «Чорумда» қалды.

Картал бала кезінде Түркияға көшіп келген, бірақ анасы Қазақстаннан шыққан.