Талғат Байсуфинов: ұлттық құрамаға солақай қорғаушылар жетіспейді

Қазақстан құрамасы бас бапкерінің міндетін атқарушы Талғат Байсуфинов Бельгияға қарсы матч алдындағы баспасөз мәслихатында Сағадат Тұрсынбай мен Талғат Кусяповты шақырту себебін түсіндірді, деп хабарлайды ASnews.kz.

«Ешқандай статистикаға қараған жоқпыз. Өткен жиында Қашкенді шақырттық. Себебі Сергей Малый мен Ұлар Жақсыбаевта жарақат болды. Мен Димашпен «Ұлытауда» бірге жұмыс істедім. Жасы да сәйкес келіп отыр. Сондықтан Қашкенге мүмкіндік бердік.

Қазір бізде оң аяқпен ойнайтын орталық қорғаушылардан Малый, Қасым және Жұмаханов бар. Ал солақай қорғаушылардан Талғат Кусяпов пен Сағадат Тұрсынбайды алдырттық. Талғат осы маусымда жарақатына байланысты біраз ойнамады. Ал Сағадат жарақатынан енді ғана айықты. Қазір бізде бұл позицияда Әліптен басқа қорғаушы жоқ. Сондықтан Кусяпов пен Тұрсынбай ұлттық құрамадағы атмосфераны сезіне берсін деп ойладық», – деді Маруаұлы

Қазақстан ӘЧ-2026 іріктеу кезеңіндегі соңғы ойынын 15 қараша күні «Астана Аренада» Бельгияға қарсы өткізеді.