Байсуфинов – Бельгиямен болатын матч жайлы: қорғаныста жатып алмай, шабуылда ойнауға тырысамыз

Қазақстан құрамасы бас бапкерінің міндетін атқарушы Талғат Байсуфинов Бельгияға қарсы матч алдындағы баспасөз мәслихатында ертеңгі ойын жайлы пікірімен бөлісті, деп хабарлайды ASnews.kz.

«Ассалаумағалейкум! Барлығы осы ойынды асыға күтіп отыр. Дайындық жұмыстары 3 қараша күні басталды. Муроджон Халматов қана қатардан шығып қалды. Қалған ойыншылар дайын.

Ескі жүйемен ойнауды доғарып жатырмыз. Қарсыластың күшін, қандай мақсатпен келе жатқанын білеміз. Алдымызға ең жоғары мақсаттарды қоямыз. Нәтиже бірінші орында тұр. Жақсы нәтиже жігіттер үшін де серпіліс болайын деп тұр. Жас футболшыларымыз шабуылда көп ойнағысы келеді. Қандай қарсылас болса да, тек қорғаныста жатып алмай, шабуылда ойнауға тырысамыз. Олар біздің қаншалықты мүмкіндік бергенімізге байланысты ойнайды», – деді Маруаұлы

Қазақстан ӘЧ-2026 іріктеу кезеңіндегі соңғы ойынын 15 қараша күні «Астана Аренада» Бельгияға қарсы өткізеді.