«Бенфикадағы» қазақ футболшысы тағы да гол соқты

«Бенфика» сапында доп тебетін 15 жастағы қазақстандық шабуылшы Шыңғыс Әликеев команданың 17 жасқа дейінгі чемпионаттағы жеңісіне үлес қосты, деп хабарлайды ASnews.kz.

II Divisão Sub-17 сегізінші турында «Бенфика» «Эштреламен» кездесті. Есепте алда келе жатқан алаң иелері қазақстандық Шыңғыс Әликеевті қосалқы құрамнан алаңға шығарды. Ол маусымдағы екінші голын соғып, матч 4:0 есебімен аяқталды.

Осылайша, Лиссабон клубы 22 ұпаймен турнир кестесінде көш басына шықты.

Астананың тумасы бұған дейін Бруну Фернандеш пен Луис Диас сияқты жұлдызды ойыншылармен жұмыс істейтін AS1 агенттігімен келісімшартқа отырған болатын.