«Бенфикадағы» 15 жасар қазақстандық футболшы Мендештің агенттігімен келісімшарт жасасты

«Бенфика» U-17 клубының жартылай қорғаушысы Шыңғыс Әликеев танымал агенттікпен келісімшартқа отырды, деп хабарлайды ASnews.kz.

Енді қазақстандық футболшының бар мәселесімен Мойзес Кайседо, Нуну Мендеш, Луис Диас және Бруно Фернандеш сияқты жұлдызды ойыншылармен жұмыс істейтін AS1 агенттігі айналысады. Агенттіктің кеңсесі Лондонда орналасқан. Қызығы, оның қызметкерлерінің арасында «Астананың» бұрынғы қорғаушысы Антонио Рукавина да бар.

Әликеев Лиссабон клубымен алғашқы келісімшартына (contrato de formação) қазан айының ортасында қол қойған. Клуб қазір оған шәкіртақы төлеп жатыр.

Осы маусымдағы бес матчта 15 жасар шабуылшы бір гол соғып, бір голдық пас берді.