«Хартстың» экс-ойыншысы – Чесноков жайлы: АПЛ-ға кетуге шамасы жетеді

«Хартс» және Литва құрамасының бұрынғы қорғаушысы Саулюс Миколюнас ASnews.kz сайтына берген сұхбатында Ислам Чесноковтың болашақта АПЛ клубына ауысуы мүмкін екенін айтты.

«Егер Ұлыбританияға барсаңыз, барлық скауттар сізді тани бастайды және АПЛ-ға кетуге керемет мүмкіндік туады. Егер Ислам «Хартста» өзін дәлелдесе, ол әлемдегі ең үздік лигаға ауыса алады. Басқа да қазақстандық футболшылар өздерін бағаламауды қою керек. Қазақстан құрамасының Шотландияны қалай жеңгенін (3-0) және елде өсіп келе жатқан таланттарға бір қарасаңыз жеткілікті», – деді литвалық экс-футболшы.

«Хартс» 25 жастағы вингерді қаңтар айында еркін агент ретінде қатарына қосады. Бұл оның Еуропаға жасайтын екінші сапары болмақ. Бұған дейін Беларусь чемпионатында «Белшинаның» намысын қорғаған еді.

2019 жылы Михал Билек жаттықтыратын Қазақстан құрамасы Шотландияны 3:0 есебімен жеңді. Юрий Перцух, Ян Вороговский және Бахтиер Зайнутдинов гол соққан болатын.