Трытко – Пробеж туралы: ол абыройлы бапкер, бірақ Қазақстанда жұмыс істеу оңай болмайды

«Атырау» және Польша U21 құрамасының бұрынғы шабуылшысы Пшемыслав Трытко ASnews.kz тілшісіне берген сұхбатында Михал Пробеждің Қазақстан құрамасының бас бапкері болып тағайындалуы мүмкіндігін бағалады.

– Пробежді абыройлы бапкер деп айтады. Кейбіреулер Қазақстанға дәл осындай мінезді және тәртіпке көңіл бөлетін бапкер керек деп санайды. Келісесіз бе?

– Шынымды айтсам, Қазақстан құрамасының соңғы матчтарын көрген жоқпын. Бірақ Чемпиондар лигасының іріктеу кезеңінде «Қайраттың» матчтарын және негізгі кезеңдегі «Реалға» қарсы ойынын көрдім. Пробеж шынымен де абыройлы адам. Әрине, оған оңай болмайды - бұл жаңа ел, ойыншылар оны білмейді. Ең алдымен «Кайрат» немесе «Астананы» жаттықтырып, содан кейін Қазақстан құрамасына ауысса, оңайырақ болар еді. Бірақ қазір оны ешкім танымайды, ол да қазақстандық ойыншыларды білмейді. Бәрібір де ол абыройлы бапкер.

Трытко бұған дейін «Ягеллонияда» Пробеждің қол астында жұмыс істегенін айтып, оны «жұлдызды футболшыларға да шындықты айтудан қорықпайтын, мінезі мықты бапкер» деп атаған еді.

Бұған дейін ҚФФ Польша құрамасын 2023 жылдың қыркүйегінен 2025 жылдың маусымына дейін жаттықтырған 53 жастағы бапкердің кандидатурасын қарастырып жатқаны хабарланған болатын.