ҚПЛ-да ойнаған поляк футболшысы – Пробеж туралы: ол Қазақстан құрамасын күшейте алады

«Атырау» және Польша жастар құрамасының бұрынғы шабуылшысы Пшемыслав Трытко ASnews.kz тілшісіне берген сұхбатында Михал Пробеждің Қазақстан құрамасын тізгіндеу мүмкіндігі туралы пікірімен бөлісті.

«Мен «Ягеллонияда» Пробежбен бірге жұмыс істедім. Ол кезде көп ойнай алмадым, өйткені бізде екі мықты шабуылшы болды – Томаш Франковский мен Камиль Гросицки. Бірақ Михал – тамаша бапкер. Оның командалары әрқашан жоғары қарқынмен ойнайды; ол талапты дұрыс қоя біледі және мінезі бар.

Қазақстан құрамасына келетін болсақ, менің ойымша, әр елді жергілікті маман жаттықтырғаны дұрыс. Адамдардың қалай ойлайтынын, қалай өмір сүретінін және олардың дәстүрлерін түсіну маңызды. Бірақ таңдау Пробежге түссе, менің ойымша, ол команданы күшейте алады. Мінезі жағынан ол Қазақстан құрамасына дәл келеді», – деді Трытко.

Пшемыслав Трытко 2016 жылғы маусымда «Атырау» сапында өнер көрсетті, ал оған дейін Польша және Германия чемпионаттарында доп тепкен. «Ягеллонияда» Пробеждің қол астында жұмыс істеді.

Бұған дейін ҚФФ Польша құрамасын 2023 жылдың қыркүйегінен 2025 жылдың маусымына дейін жаттықтырған 53 жастағы поляк маманы Михал Пробежді бас бапкер қызметіне қарастырып жатқаны хабарланған болатын.

«Астана-1964» клубының бұрынғы жартылай қорғаушысы әрі футбол агенті Павел Хайдучек те Пробеж жайлы айтқан болатын.