Қайыров – Қазақстанның сырт алаңда тең ойнағаны жайлы: бізге шетелдік бапкер керек пе?

Спорт журналисі және BorodAbata жобасының авторы Ербол Қайыров Солтүстік Македония – Қазақстан (1:1) матчынан алған әсерімен бөлісті, деп хабарлайды ASnews.kz.

«Қазақстан құрамасы сырт алаңда Солтүстік Македонияға қарсы ойында тамаша өнер көрсетті. Алаң иелері екінші голды соғуға тырысып, біздің ойыншыларды қысқан кезде, Қазақстан құрамасында гол соғатын бірнеше мүмкіндік болды. Жігіттер гол жібергеннен кейін де сынған жоқ. Тек сәттілік жетіспеді. Эхх.

Талғат Байсуфиновтың ойыншылардың бойына мінез дарытқаны көрініп тұр. Иә, ол топ бапкер емес. Әдемі футбол қоя алмайды, ал оның «Ұлытау» командасы осы маусымда біртүрлі матчтар өткізді, бірақ Маруаұлынан айыра алмайтын бір нәрсе бар – оның туған жерге деген сүйіспеншілігі мен ойыншыларын шабыттандыра білуі.

Әрине, командаға шын мәнінде әсерлі, ең бастысы, батыл футбол стилін сіңірген Әли Әлиевтің те еңбегін ерекше атап өтуге болады.

Ауысымдар уақытылы болды және алдыңғы шептегі, алаң ортасындағы ойынды күшейтті. Мен жаңадан келген басқа да футболшылардың ойынын көргім келеді. Мысалы, ұлттық құраманы үлкен хейттің астында қалдырған Қашкенді алайық. Ойнамаса, не керегі бар? Командамен бірнеше оқу-жаттығу жиындарын өткізген Алмас Төлеубайдың да ойынын көрсек қызық болар еді.

Ал екінші Димаш – Қараман – нағыз қаһарман. Қандай керемет гол соқты! Негізгі құрамнан шықты және бірден нәтиже көрсетті.

Қысқасы, ойын көңілімізден шықты, ротация бар, жаңа буын қалыптасып келеді.

Осы тұста үлкен бір сұрақ туындайды: шынымен де жылына екі-төрт миллион еуро жалақы алатын шетелдік мамандарды шақыру қажет пе?

2026 жылғы әлем чемпионатының іріктеу кезеңіндегі Солтүстік Македония мен Қазақстан арасындағы кездесу 1:1 есебімен тең аяқталды. Қазақстандық жартылай қорғаушы Дінмұхамед Караман 54-минутта есеп ашса, алаң иелері 74-ші минутта Энис Бардидің арқасында таразы басын теңестірді.

Қазақстан құрамасы келесі кездесуін 15 қарашада Астанада Бельгияға қарсы өткізеді.