WhoScored сарапшысы – Чесноков туралы: «Хартстың» негізгі ойыншысына айналуы мүмкін

WhoScored.com сарапшысы және Perth to Peisley подкастының жүргізушісі Адам Кеннеди ASnews.kz тілшісіне Ислам Чесноковтың «Хартс» сапында негізгі ойыншыға айналуы мүмкін екенін айтты.

«Хартс» соңғы матчтарда негізгі құрамын өзгертпесе де, Чесноковтың бұл жерде өзін көрсете алатынына сенімдімін. Мысалы, дәл қазір сол қапталдағы қорғаушы Гарри Милн оң жақ жартылай қорғаушы ретінде ойнап жүр. Біз Исламның келуін асыға күтудеміз, өйткені ол өте жылдам ойыншы, дәл пас беріп, гол соға алады», – деді сарапшы.

Сонымен қатар, Кеннеди Шотландия Премьер-лигасының деңгейін тағы бір қазақстандық Ғалымжан Кенжебектің келуіне байланысты былай бағалады:

«Бұл футболшыларда бай тарихы, адал жанкүйерлері және көптеген аңыздары бар чемпионатта өзін көрсету мүмкіндігі болады. Шотландия футболы Еуропадағы ең танымал футболдың бірі, ал чемпионат жыл сайын жақсарып келеді және даму үшін тамаша платформа болып қала береді», – деп қосты ол.

«Хартстың» бас бапкері Дерек Макиннес «Тобылдың» 25 жастағы шабуылшысы қаңтарда команда сапына қосылатынын растады. Чесноков осы маусымда 10 гол соғып, төрт нәтижелі пас берді.

ASnews.kz хабарлағандай, «Хартс» Кенжебектің те ойынын бақылап отыр. Атап айтқанда, клубтың скауттары 22 жастағы вингерді қазан айындағы халықаралық үзіліс кезінде бақылаған.