«Спартактың» экс-футболшысы: Македония Қазақстанды жеңеді

Мәскеулік «Спартактың» бұрынғы қорғаушысы және Солтүстік Македония жастар құрамасының директоры Игор Митрески ASnews.kz тілшісіне берген сұхбатында Қазақстанмен болатын ойын жайлы пікір білдірді.

«Алдыңғы матчтың (0:1) нәтижесіне сүйене отырып, мен біздің команда жеңіске жетеді деп үміттенемін. Біз шабуылға негізделген футбол ойнаймыз, өйткені финалдық матчтарда жеңіске жету өте маңызды. Қазақстанның тактикасына қарамастан, біздің мақсатымыз – басымдық танытып, бірінші нөмірмен ойнау. Бұл сіздерді бағаламағанымыз емес: БАҚ реакциясына қарағанда, мұндағылар Қазақстанның мықты қарсылас екенін жақсы түсінеді», – деді Митрески.

46 жастағы Митрески Македония құрамасында ең көп ойын өткізген 12 футболшының қатарына кіреді. Ол «Нефтчи» сапында үш дүркін Әзірбайжан чемпионы, мәскеулік «Спартакпен» Ресей чемпионы атанды.

Қазақстан 13 қазан күні сырт алаңда Солтүстік Македониямен ойнайды.